Folktinget vuodju sámeáššiide podcasta nubbi ráiddus

14.04.2022 kl. 11:40
Folktinget almmostahttá odne čuovvovaš osiid podcastas Finlands nästmesta språk. Dán háve temán leat sámit ja gažaldagat sámeálbmoga identitehtas ja kultuvrras. Ráiddus leat guhtta oasi. Girječálli ja servodatberosteaddji Alfred Backa ságastallá iešguđetge temáid birra aktivista ja čálli Petra Laitiin.

Ságastallamiidda servet maid gávcci sámi áššedovdi, ovdamearkka dihtii girječálli Elin Anna Labba, musihkkár Niko Valkeapää ja historihkar Steinar Pedersen. Podcast lea ruoŧagillii.

- Mii háliideimmet gieđahallat sámiid máŋggaid sivaid dihtii. Sámit leat eamiálbmot, geaid hástalusain ja eallindilis váldoservodagas ii leat dárbbahassii dieđu. Sámit ellet eana- ja giellariektegažaldagaid siste eaige gávdno ovdamearkka dihtii dárbahassii bálvalusaid sámegillii, dadjá Christina Gestrin, váldočálli Folktingetis.

- Eurohpáráđđi lea kritiseren Suoma sámiid sajádagas ja maiddai eará unnitloguide laktáseaddji gažaldagain. Folktingetii lea dehálaš čájehit solidaritehta uhcit gielaide ja loktet maid sin dili.

Podcastas ságastallet earret eará giela, identitehta, skuvlejumi, historjjá, popkultuvra ja dálkkádatkriisa birra.